మాం చ యోవ్యభిచారేణ
భక్తియోగేన సేవతే,
స గుణాన్ సమతీత్యైతాన్
బ్రహ్మభూయాయ కల్పతే.
తా||: ఎవడు నన్నే అచంచలమైన భక్తియోగము చేత సేవించుచున్నాడో అతడీ గుణములన్నిటిని తెస్సగా దాటివైచి బ్రహ్మముగా నగుటకు (జీవన్ముక్తుడగుట కొరకు) సమర్ధుడగుచున్నాడు. (శ్రీ భగవద్గీత, అథ చతుర్దశోధ్యాయః, గుణత్రయవిభాగయోగః)
****************************************************************************************
పద్మాక్ష! మమతచే బరమునందెదమంచు
విఱ్ఱవీఁగెదమయ్య - వెఱ్ఱివంటి
మా స్వతంత్రంబైన మదము కండ్లకుఁగప్పి
మొగముపట్టదు కామ - మోహములకు
బ్రహ్మదేవుండైన - బైఁడిదేహము గల్గఁ
జేసి వేయక మమ్ము - జెఱచె నతఁడు
తుచ్ఛమైనటువంటి - తోలెమ్ముకలతోడి
ముఱికి చెత్తలు చేర్చి - మూటకట్టె
తే. నీ శరీరాలు పడిపోవు - టెఱుఁగ కేము
కాముకులమైతి మిఁక మిమ్ము గానలేము
భూషణవికాస! శ్రీధర్మ - పుర నివాస!
దుష్టసంహార ! నరసింహ! దురితదూర!
తా|| ఓ నరసింహా! పద్మములవంటి నేత్రములు కలవాడా! ప్రేమతో ముక్తి నొందెదమని విర్రవీగుచు మిక్కిలి గర్వించి కండ్లు మూసుకుపోయి, మతిచెడి కామ, మోహాందులమై కన్నుమిన్ను గానమైతిమి. బ్రహ్మదేవుడు కూడా మాకు బంగారు దేహమునీయక మమ్ము చెరచినాడు. తుచ్ఛమైన శరీరమనే ఈతోలుతిత్తిలో మురికి, చెత్తను నింపి మూటకట్టినాడు. ఇది ఎప్పుడు నశించునో తెలియక కామ మోహితులమై మిమ్ము గానలేకున్నామయ్యా! శ్రీఘ్రమే మము బ్రోవుమో సర్వేశా!
****************************************************************************************
| 